Antalyada keçirilən COP31 çərçivəsində Türkiyənin İqlim Məktəbinin açılışı olub.
VOİCEPRESS xəbər verir ki, açılış mərasimində çıxış edən COP31-in sədri, Türkiyənin ətraf mühit, şəhərsalma və iqlim dəyişikliyi naziri Murat Kurum iqlim dəyişikliyi ilə mübarizədə uşaqların və gənclərin maarifləndirilməsinin vacibliyini vurğulayıb.
O bildirib ki, COP31-in Fəaliyyət Gündəliyində gənclərin və uşaqların iqlim məsələləri ilə bağlı məlumatlılığının artırılması əsas istiqamətlərdən biri kimi müəyyənləşdirilib.
Nazir məktəbin fəaliyyətinin COP31 başa çatdıqdan sonra da davam etməsinin vacibliyini vurğulayaraq, burada yaradılan maarifləndirmə təcrübəsinin ölkənin bütün məktəb və şəhərlərinə yayılmasını arzuladığını bildirib.
VOİCEPRESS
